اغنية جديد دومنيك

من اخر اغانيها الخاشوقة غنتها بلهجة يتكلم بها بعض من اهالي سوريا

لسماع الأغنية اضغط الرابط

http://www.syriapath.com/upload/music/khashoka.mp3

وهاي كلمات الأغنية

بنص العرس رميت الدبلة بهالجوقة
وقلتلو بس هالجازة مي حرزانة
شو عندك غير هاصحن وهالخاشوقة
وغرفة يا دوب فيها تخت وخزانة
قلي من غروب الشمس حتى شروقا
وان معقلتي روحي لبيتك حرداني
وآخر همي وبصلتي مو محروقة
وان ما رجعتي ايه منا معي فرقاني

بيي قلي راضيه ولا تجرصينا
قرد فضيحة والسهرة الساعة تمانة
أمي قالت المشحر رح يبلينا
دشر هالبنت بهالزلمة مي رضياني
قال لأمي بنتك وبتعرفيها
منا ست بيت وحبيتا ع العمياني
اذا البيضة ابتعرف كيف تقليها
وبمدرستا ما قطعت صف التاني

بعد يومين ع السطح شفتو قبالي
بكيت وحنيت وقلي تروحي خطيفة
قلتلو بروح يومين وانت ببالي
أنا بدي ياك وبعرف بدك ياني

واليكم الترجمة الى اللهجة الشامية الأصلية

بنص العرس رميت الدبلة بهالجوقة

ونحنا بالعرس ,لحشت التلبيسة ببن الناس

وقلتلو بس هالجازة مي حرزانة

وقلت له ,حاجة تتحورأ انت و هالجوازة

شو عندك غير هاصحن وهالخاشوقة

اي ما عندك غير صحن ومعلقة

وغرفة يا دوب فيها تخت وخزانة

و أوضة فيها تحت و خزانة

قلي من غروب الشمس حتى شروقا

قلي من الصبح للمسا

وان معقلتي روحي لبيتك حرداني

اذا ما فقتي لحالك ,ورجع راسك لمحلو ...... أحطي على بيت أهلك

وآخر همي وبصلتي مو محروقة

والله مانها فارقة معي ,وماني مهتم .......

وان ما رجعتي ايه منا معي فرقاني

واذا ما رجعتي ........الباب بيفوت جمل .

بيي قلي راضيه ولا تجرصينا

بابا قلي ,صالحيه وما تشمسينا

قرد فضيحة والسهرة الساعة تمانة

قرد ...... بيعمللنا فضيحة واليوم عنا سهرة الساعة 8

أمي قالت المشحر رح يبلينا

ماما قال : ابن ال*** رح يعمللنا مصيبة

دشر هالبنت بهالزلمة مي رضياني

تروك هالبنت بهمها ,مانها طايقتو للزلمة

قال لأمي بنتك وبتعرفيها

قلا لماما : بنتك وبتعرفيا

منا ست بيت وحبيتا ع العمياني

مانها ست بيت ,وانضربت على قامتي وحبيتا

اذا البيضة ابتعرف كيف تقليها

اذا بيضة ما بتعرف تقليها

وبمدرستا ما قطعت صف التاني

وبالمدرسة ,ما نجحت على صف التاني

بعد يومين ع السطح شفتو قبالي

بعد يومين ,طلعت على السطح لقيتو بوشي

بكيت وحنيت وقلي تروحي خطيفة

بكيت شوي لأني شتأتلو ........ قام سألني :بتروحي معي خطيفة ؟

قلتلو بروح يومين وانت ببالي

قلتلو بروح حبيبي ........بتعرف صرلي يومين عم فكر فيك

أنا بدي ياك وبعرف بدك ياني

أنا بحبك وبدي ارجعلك ,وبعرف انك بتحبني وبدك ترجعلي .....

يارب تكون عجبتكم الاغنية