ايها المسلم (( يا من تحب فتاه بجد )) هل انت .......؟

طبعا هتستغربوا على الموضوع بتاعى بس فعلا احنا بجد كل همنا الحب
وليس همنا اننا نراعى ربنا والصراحه تقال على شفا شاب مسلم
عرف ربنا بجد مش عرف الحب وللاسف كلنا بنغفل بزالك واولهم انا
لربما اكون شخص لا يعرف الايمان بحق قدره ولكن مازلت مصمم
انى اتعلم واعرف ربى واعطى الايمان حق قدره على قدر ما استطيع
فهل انت حاولت تعمل زى هزا الشاب الزى يحاول .....؟
ياريت تقف لحظه بين يدى الله وتفكر بجد ياريت ......!!وها هو الشاب المسلم وعنوانه الجنه تنادى فهل انا اجيب ...؟

ازيكم يا جماعة عاملين ايه،يارب تكونوا بخير يارب،انهاردة هكلمكم عن موضوع خطير جدا ومهم قوي وبيواجه ناس كتير قوي مننا
ايه الموضوع ده ياعم انت؟؟الموضوع ده أنا بسميه "مرض العصر"فعلا وهو كدا والموضوع ده هو"الحب"فعلا يا جماعة الحب مشكلة كبيرة قوي قوي
طب مش كنت تقول كدا عشان ما كنتش أفتح موضوعك أصلا
ليه طيب هو عيب ولا ايه؟؟
لا ياعم مش عيب بس أنا ملتزم وانت اكيد بتكلم الشباب والبنات اللي مش ملتزمين
بالعكس يا حبيب قلبي الموضوع ليك قبل ما يكون للي مش ملتزمين
طب ازاي دي؟؟
كتير من الشباب والبنات الملتزمين بتقابلهم المشكلة دي"الحب"
ازاي يعني وضح يا عم انت
طب تعالي كدا معايا واحدة واحدة بس بص انا هكلمك انت الاول وبعدين هكلمها هي

يلا يا جماعة نشوف الموضوع ده كدا مع بعض

بص انا هسألك سؤال في الاول،،انت بتحبها؟؟
طب وليه والاحراج ده
بس قولي بس وخدني علي قد عقلي الصغير وجاوبني ،،بتحبها؟؟
أ ،أ ،أ أه وهي فيها ايه يعني
لا يا عم مافيهاش حاجة بس ما تضايقش نفسك قوي كدا
طب لما بتفتكرها بتحس بايه
يعني بحس ان انا فرحان وقلبي بيدق مية دقة في الثانية ومش بحس باي حاجة حوليا ويمكن لو حد كلمني ما بسمعوش
يااااااه كل ده
واكتر من كدا كمان
تعرف انك معندكش دم
ليه بس يا عم
هقولك حاجة وتشوف انت عندك دم ولا لاء
ماشي قول يا عم ،بس خلي بالك قبل ما تقول اي حاجة افكرك اني ملتزم
ماشي ياعم هو انا اقدر اقول غير كدا برضه،،يلا تعالي
انت طبعا بتصلي صح؟؟
اه طبعا بقولك ملتزم يا عم،،انت ما بتفهمش ولا ايه
بس براحة عليا انا بقولك ان عقلي صغير
طيب ها قول يا عم الصغير
طيب قولي صحيح انت بتشتاق ليها
بصراحة اه
طب وايه شعورك لما يجي ميعاد انك تقابلها
يااااه ده انا بستناه بفراغ الصبر
بس انتم مش مخطوبين؟؟!!
يا عم بقولك ملتزمين ،انت مش معايا ولا ايه
لاء معاك بس مش يصح يعني
طب وايه رايك في شوية اسئلة كدا وهسيبك تجاوب عليهم بينك وبين نفسك
اسأل يا عم

هل بتشتاق لكل صلاة زي ما بتشتاق انك تقابلها؟؟
هل خشوعك في الصلاة زي ما انك ما بتحسش باللي حوليك لما بتفكر فيها؟؟
هل قلبك بيتنفش ساعة الاذان زي ما بيتنفض ويدق ساعة ما بترن عليك وتكلمك؟؟
هل بتبكي بين ايدين ربنا وانت بتدعيه لما بتعمل ذنب زي ما بتبكي ساعة ما هي بتزعل منك؟؟

اسئلة كتير ياريت تجاوب عليها بينك وبين نفسك
يا أخي الحبيب لو حبيت ربنا بصدق مش هتعوز حب تاني وبعدين طالما بتحبها روح اخطبها من ابوها
يااااه يا أخي لو بتشتاق للصلاة زي ما بتشتاق ليها ولو بكيت باخلاص وانت تائب زي ما بتبكي لما تسيبك
فعلا انا بقول الكلام ده لنفسي قبلكم كلكم وخلي بالك هقولك حاجة(من ترك شيئا لله عوضه الله خيرا منه)

تعالي بقه انتي نتكلم شوية
آجي ايه بس انت سديد نفسي
ليه بس هو انا لسه كلمتك
يا عم كفاية الكلام اللي انت قولته ليه ده
الكلام ده كان ليه هو ،لكن لسه انتي وبرضه خديني علي قد عقلي الصغير
بتحبيه؟؟
اه بس والله عاوزة انساه لكن مش قادرة خالص
طب بس اهدي كدا واستعيني بالله
لا حول ولا قوة الا بالله
هقولك حاجة بس الاول كدا ياريت تسمعي محاضرة "انا وحبيبتي "للشيخ محمد الصاوي
ونرجع لكلامنا بقه،،،
بتفكري فيه كتير صح
اه بس هعمل ايه،انا بحاول انساه لكن بفكر فيه كل الوقت
طب وهو بيفكر فيكي كدا
اه اكيد انا متاكدة
طب بصي،،
يا تري بتفكري في ربنا كل الوقت كدا؟؟؟!!!
انا فعلا ما بئتش بفكر في ربنا علي طول
طيب وحبيبك؟؟
ما قولتلك بفكر فيه كل الوقت
طيب كويس وماشية علي سنته؟؟
سنة ايه؟؟وانت بتتكلم علي مين؟؟
حبيبك،،رسولك،،شفيعك،،اللي خلاكي ملتزمة،،،اللي بيشتاق ليكم وهو ما شفكمش،،اللي هيشفعلنا عند ربنا،،اللي هيقابلنا عند الحوض
طب مش تقول كدا يا عم
اصل انا كنت فاكر مفيش الا حبيب واحد في حياتك،،آسف ماكنتش اعرف
المهم،،،،
بتفكري في رسولك زي حبيبك التاني دا
بصراحة لاء
طيب بتمشي علي سنته؟؟
برضه لاء
طب ممكن سؤال؟؟
لو حبيبك عمل حاجة وقالك انا بحبها قوي ،،هتعملي ايه؟؟
اكيد هعملها
ياااااااا الله
بقه تمشي علي حاجة عملها واحد زي ده وما تمشيش علي حاجة عملها اشرف الخلق وسيد ولد آدم عليه السلام
طب بصي هقولك آخر حاجة
ما تيجي تنسي حبيبك دلوقتي وتفكري في ربنا ورسوله كدا زفي حب الصلاة والصيام وتشوفي الفرق بين التفكير في ربنا ورسوله وبين التفكير في حبيبك ده

يا جماعة انا متأسف جداا جداا علي الكلام ده اللي انا كتبته ولكن انا كتبته لاني شايف اللي فيه شباب وبنات المسلمين وآسف مرة تانية علي الالفاظ وبتأسف للمرة الالف علي الموضوعات بتاعتي دي الخارجة عن الفاظ الدين شويةولكن انا بصور الواقع اللي احنا فيه وما دام عاوزين نحل المشكلة يبقه لازم نعترف بالحقيقة الاول

واخيرا نقف سويا من منا فكر كده من منا فكر صح مرة اكيد يامه بس
هو احنا مش شبه الناس دى بجد ولا احنا اسلامنا سورى
ياااااااااااااااااه يابن ادم يااااااااه لما تغلط وتبرر غلطك
سورى يا جماعه اننا نواجه حقيقه عاميه وانا اول واحد هشارك معكم
لازمكلنا نشارك ونراجع كشكول الزكريات بتاعتنا بجد

بجد موضوع رااائع

تقبل مرورى

شكرا لك

تسلم يارب على المرور الطيب

واتمنى لاتحرمنى منة

تقبل تحياتى

شكراا على مجهوداتك العظيمة وجع واقبالك الدائم بالمواضيع الشيقة
تقبل تحياتى

تسلم حبيب قلبى على المرور الطيب
واتمنى لاتحرمنى منة

لك ودى وعبير حبى

شكراا على موضوعك يا جميل

تسلم يارب على المرور الكريم يا ماندو

واتمنى لاتحرمنى من مرورك الطيب مثل شخصك

تقبل تحياتى لك

عندك حق في كل ما قلته............تقبل مروري وشكرا علي موضوعك الرائع

تسلم حبيبى والله ماقصرت
تقبل تحياتى لى شخصك الكريم

موضوع بجد جميل واللي فيه اجمل
وفعلاً الحب دة هو مرض العصر وفي نفس الوقت هو ميزة هذا العصر