بسم الله الرحمن الرحيم
******************
السلام عليكم
مستعد تفهم .. !
مستعد تعرف .. !
اسرح ..
اقعد لوحدك ..
فكر ..
فكر جامد ..
فكرت .. ؟
اكيد مفهمتش حاجة
لانك مش عايز تفهم ..
او مش حابب تعرف ..
او مش عارف تسرح ..
او قاعد لوحدك بس تفكيرك مش معاك ..
طبعا ده مش كلام تخريف اللي بقوله
يمكن لاني مقتنع ان افضل علاج لاي مشكلة
هي التفكير بفرديه رهيبه ..
التفكير من كل جوانب الموضوع ..
عارفين الكوتشينه اللي بتنزل مجانيه مع اي نسخه ويندوز
مش سطحيه ابدا ولا سذاجه انك تلعبها
بالعكس
انا بعقد ساعات وساعات العبها
بتنمي حاجات كتير اوي رغم بساطتها المتناهيه
ايه علاقته بالموضوع اقولكم انا
العلاقه ان من الكوتشينه دي
اقتنعت انك لازم تجازف وتفكر وتخسر وتعيد من الاول
بقيت حابب المنافسه مع نفسي فيها واتحدي نفسي واكسب او اخسر
مش مهم المهم اني نميت حاجات جوايا
مشكلة كبيره تتحل بمجازفه تتحل بشوية تفكير
المهم خلينا نتفق ان التفكير اسهل الطرق لحل المشاكل ..
وساعات التفكير بصوت عالي بيجيب نتيجه
وساعات التفكير مع الاهل والاقارب وتيتا والحجه ام سعيد بيجيب نتيجه
وساعات الاصدقاء بيكون ليهم دور كبير اوي في حل المشاكل
عارفين ايه المشكلة الحقيقيه لينا كلنا ..
ان فعلا مبقاش في اي حد بيسمعنا ..
لا جوه البيت ولا حتي بره البيت
بنفضل نكتم نكتم نكتم لحد ما في الاخر بنموت من الخنقه
في مشاكل معينه او اسرار مش تتحكي لاي حد
بتعيش جوانا ونموت وهي معانا محدش بيعرفها
بس مش دي المشكلة
المشكلة ان لو واحد بس بيشتكي من مرض معين يبقي عادي
اما تبقي مشاكل الجيل كله تقريبا واحده متقاربه لدرجه التطابق
تبقي
مشكلة جيل
مستعد تتناقش معايا .. ؟
اسف علي المقدمه الطويله العريضه دي
مشكلة جيل
سهره جديده ..
فكره جديده
الخميس مارس 20, 2008 5:46 am
